Tri viktima dhe 521 raste të reja me COVID-19 në Maqedoni të Veriut

15:29 | 17 Gusht 2022
A. B.

Ministria e Shëndetësisë njofton se në 24 orët e kaluara janë kryer 1.231 teste, ndërsa janë regjistruar 521 raste të reja me COVID-19.

Instituti për Shëndet Publik sot ka konfirmuar 485 pacientë të shëruar nga coronavirusi.

Nga MSH njoftojnë se në 24 orët e kaluara janë regjistruar 2 viktima nga coronavirusi. Nga Shkupi (78) dhe Struga (48).

Në regjistrin “Termini Im” me diagnozë të COVID-19 është regjistruar edhe një viktimë nga Këçova (74). Personi është raportuar si i vdekur më 5 gusht 2022.

Numri i përgjithshëm i personave të diagnostikuar me COVID-19 në vendin tonë që nga fillimi i epidemisë është 336.560, numri i të shëruarve është 323.536, numri i të vdekurve është 9.429, ndërsa numri i rasteve aktive është 3.595.